Shizuoka ခရိုင်သည် မြန်မာလူမျိုးများအတွက်စိတ်ချမ်းသာစွာနေထိုင်ဖို့ ဆွဲဆောင်မှု အများအပြားနှင့် ပြည့်နှက်နေသည့် နေရာဖြစ်ပါတယ်။ မြန်မာလူမျိုးအတော်များများက Shizuoka ခရိုင်တွင်နေထိုင်လျက်ရှိပြီး ၊ မြန်မာအသိုင်းအဝိုင်းများ ရှိသောကြောင့် ပွဲများလည်း ကျင်းပလေ့ရှိသဖြင့် ဂျပန်ကို ပထမဦးဆုံးလာမည့်သူများ အတွက်လည်း စိတ်ချလက်ချဖြင့်နေထိုင်နိုင်သည့် ပတ်ဝန်းကျင်ဖြစ်ပါတယ်။

မြန်မာအစားအသောက် ကုန်ပစ္စည်းများကို အလွယ်တကူဝယ်ယူနိုင်သော ဆိုင်လည်းရှိပြီး ၊ တစ်ခါတစ်ရံ ဒံပေါက်ချက်ပြီး ရောင်းပေးသည့်ဆိုင်လည်း ရှိပါသည်။

မြန်မာလူမျိုးများ၏ ပါးစပ်နှင့်ကိုက်ညီသော ထိုင်းစားသောက်ဆိုင်များလည်း ရှိပါသည်။

ထို့အပြင် Shizuoka ခရိုင်ရှိ လမ်းများသည် ကျယ်ပြန့်သောကြောင့် မြန်မာတွင် နေ့စဉ်အသုံးပြုနေကြ မော်တော်ဆိုင်ကယ်များကို လွယ်ကူစွာစီးနင်းနိုင်သောကြောင့် သွားလာရ အဆင်ပြေပါသည်။

ဂျပန်နိုင်ငံ၏ နာမည်ကျော် မော်တော်ဆိုင်ကယ်ထုတ်လုပ်သည့် Suzuki နှင့် Yamaha စက်ရုံများလည်း Shizuoka ခရိုင်တွင်တည်ရှိပါသည်။

မြန်မာလူမျိုးများအတွက် အင်မတန်ရင်းနှီးသည့် ဖူဂျီတောင်ဟာလည်း Shizuoka ခရိုင်တွင် တည်ရှိပါသည်။

မြန်မာနိုင်ငံတွင် ရောင်းချနေသော ဖူဂျီတံဆိပ် ဆပ်ပြာမှုန့်ဘူးတွင် ဖူဂျီတောင် ပုံစံရေးဆွဲထားရလောက်အောင် ဂျပန်နှင့် မြန်မာတို့၏ ဆက်ဆံရေးသည်လည်း အင်မတန်နက်ရှိုင်းပါသည်။

ဤကဲ့သို့ဖော်ရွေသောပတ်ဝန်းကျင်သည် Shizuoka ခရိုင်တွင် ရှိသောကြောင့် စိတ်ချလက်ချဖြင့်ပျော်ရွှင်စွာ နိုင်ငံခြားသားကျောင်းသားဘဝကို ဖြတ်သန်းနိုင်ပါသည်။